ඔස්ට්‍රේලියාව තුළ උසස් අධ්‍යාපනය හදාරන විදෙස් සිසුන් ඉහළ යන ජීවන වියදම හමුවෙි ආහාර අනාරක්ෂිතභාවයෙන් පෙළෙන බවට නවතම වාර්තාවක් පෙන්වා දෙනවා.
ඉන් බහුතරය වයස අවුරුදු 25 ට අඩු තරුණ තරුණියන් බවයි මොනෑෂ් විශ්ව විද්‍යාලය විසින් සිදුකර ඇති සමීක්ෂණ වාර්තාවක දැක්වෙන්නේ.
දැනට මෙල්බන් නගරයේ ශිෂ්‍ය වීසා මත සිටින විදෙස් සිසුන් සංඛ්‍යාව 182,000 කට ආසන්නයි.
එය වික්ටෝරියාවේ සමස්ත ශිෂ්‍ය ප්‍රජාවෙන් සියයට 40 කට සමාන වන බවයි පැවසෙන්නේ.
මෙම පිරිසෙන් සැළකිය යුතු පිරිසකට තනි අර්ධ කාලීන රැකියාවකින් පමණක් නිවාස කුළී – ආහාර වියදම් – ප්‍රවාහන ගාස්තු සහ අනෙකුත් වියදම් ආවරණය කරගැනීම දැඩි අසීරු කරුණක් බව මෙම වාර්තාව අවධාරණය කරනවා.
ඔස්ට්‍රේලියා ශිෂ්‍ය වීසා මත සිටින්නන්ට අර්ධකාලීන රැකියාවල නිරතවිය හැකි පැය ගණන ලබන ජූලි 01 වනදා සිට සති 02 කට පැය 48 කට සීමා කෙරෙනු ඇති.
