ඉදිරි මූල්‍ය වර්ෂය සඳහා වික්ටෝරියා ප්‍රාන්ත රජයේ අයවැය ලේඛනය අද ප්‍රාන්ත රජයට ඉදිරිපත් කෙරෙනවා.
සෞඛ්‍යය – අධ්‍යාපනය – මාර්ග නඩත්තු වැනි ක්ෂේත්‍ර සඳහා මෙවර අයවැයෙන් වැඩි මුදලක් වෙන් කිරීමට නියමිතයි.
කොවිඩ් සමයේ ලබාගත් ඩොලර් බිලියන 31.5 ක ණය ආපසු ගෙවීම පිළිබඳ සවිස්තර තොරතුරු ද ඊට ඇතුළත් වෙනු ඇති.
අගමැති ඩැනියල් ඇන්ඩෲස් චෝදනා කර තිබුණේ මාස 12 ක් තුළ අවස්ථා 11 කදී පොළී අනුපාතික අගයන් ඉහළ නැංවීම හමුවේ මෙතරම් දැවැන්ත ණයක් එකතුවී ඇති බවයි.
කෙසේවෙතත් ප්‍රාන්ත විපක්ෂය මෙන්ම ආර්ථික විද්වතුන් අවධාරණය කරන්නේ ලේබර් රජයේ අසාර්ථක මූල්‍ය පාලනය හමුවේ වික්ටෝරියා ප්‍රාන්තයේ ආර්ථිකය කඩා වැටී ඇති බවයි.
