නවසීලන්තයේ සිට මෙල්බර්න් දක්වා ගුවන් ගමන් ආරම්භය ලබන සඳුදා සිට​ – AusLanka TV – Australian News for the Sri Lankan community

නවසීලන්තයේ සිට මෙල්බර්න් දක්වා ගුවන් ගමන් ආරම්භය ලබන සඳුදා සිට​

නවසීලන්තයේ සිට මෙල්බර්න් දක්වා ගුවන් ගමන් ආරම්භය ලබන සඳුදා සිට​

නවසීලන්තයේ සිට මෙල්බර්න් දක්වා ගුවන් ගමන් ආරම්භය ලබන සඳුදා සිට​!

Flights from New Zealand to Melbourne allowed from Monday as Victoria joins travel bubble!

නවසීලන්තයේ සංචාරකයින්ට සඳුදා(9/11) සිට නිරෝධායනයකින් තොරව මෙල්බර්න් වෙත කෙලින්ම පියාසර කිරීමට හැකි වනු ඇත. මේ වන විටත් අනෙකුත් ප්‍රාන්ත තුලට නවසීලන්ත වැසියන් හට ඒමට​ අවශ්‍ය කටයුතු සැලසීමට​ රජය පියවර ගෙන තිබේ.

අද(6/11)​ වික්ටෝරියා ප්‍රාන්තයේ අඛණ්ඩව නව කොරෝනා ආසාදිතයින් වාර්තා නොවූ හත්වන දිනය යි. කලාපීය වික්ටෝරියා සහ මෙල්බර්න් දේශ සීමාව ඉවත් කිරීම ඇතුළුව සීමාවන් ගණනාවක් එළඹෙන​ ඉරිදා(8/11) ලිහිල් වනු ඇතැයි අපේක්ෂා කෙරේ.

අද පෙරවරුවේ පැවති මාධ්‍ය හමුවකදී ​ වික්ටෝරියා අග්‍රාමාත්‍ය Daniel Andrews කියා සිටියේ නවසීලන්තයේ සිට මෙල්බර්න් දක්වා ගුවන් ගමන් සඳුදා සිට නැවත ආරම්භ කිරීම ගැන රජය සතුටු වන බවයි.

නවසීලන්ත සංචාරකයින් සඳහා නිරෝධායන අවශ්‍යතාවයක් නොමැති බවත් සංචාරකයින්ට වික්ටෝරියා ප්‍රාන්තයේ ගමන් කිරීමට නිදහස ඇති බවත් Andrews තහවුරු කළේය.

එනමුත් ඕස්ට්‍රේලියාවේ සිට නවසීලන්තය දක්වා නිරෝධායන රහිතව ගමන් කිරීමට තවමත් අවසර නැත. එහිදී රජය කියා සිටියේ තම දේශසීමා නැවත විවෘත කරන්නේ ආරක්ෂිත යැයි විනිශ්චය කිරීමෙන් පසුව පමණක් බවයි.

(ABCNews)

COMMENTS