දින 04 ක වැඩ කරන සතිය ක්‍රමය අත්හදා බැලීමට බනින්ග්ස් වෙයාර්හවුස් වෙළඳසැල් ජාලය තීරණය කර තිබෙනවා.
ඔස්ට්‍රේලියාවේ වෙළඳසැල් ජාලයක් විසින් මෙම වැඩපිළිවෙල ක්‍රියාත්මක කරනු ලබන පළමු අවස්ථාව මෙය වීම විශේෂත්වයක්.
මේ යටතේ වැටුප් වැඩිවීම් – අමතර නිවාඩු සහ නියමිත වැටුපටම අඩු පැය ගණනක් සේවය කිරීමට බනින්ග්ස් සේවකයන්ට අවස්ථාව උදාවනු ඇති.
පූර්ණ කාලීන සේවකයන්ට සතිකට පැය 38 ක් සේවය කිරීමේ අවස්ථාව තවමත් පවතින අතර සතියකට දින 04 කින් හෝ සති 02 කට දින 09 කින් එම පැය ගණන සපුරා ගැනීමට ඔවුන්ට අවස්ථාව පවතිනවා.
මේ යටතේ බනින්ග්ස් සේවකයන්ට හිමිවන වාර්ෂික නිවාඩු සංඛ්‍යාව සති 04 සිට සති 05 දක්වා ඉහළ දැමීමටද නියමිතයි.
