වසර 08 කට ඉහතදී බටහිර අප්‍රිකාවේදී පැහැරගනු ලැබූ වයෝවෘද්ධ ඔස්ට්‍රේලියානු වෛද්‍යවරයෙකු වන කෙනත් එලියට් නිදහස් කර තිබෙනවා.
පර්ත් හි පදිංචි 88 හැවිරිදි මෙම වෛද්‍යවරයා සිය පවුලේ සාමාජිකයන් සමග නැවතත් එක්වී ඇති බවයි විදේශ කටයුතු අමාත්‍යංශය නිවේදනය කලේ.
මාලි සහ නයිජර් යන රටවල දේශසීමා අසළ වෛද්‍ය සායනයක් පවත්වාගෙන යමින් සිටි මෙම වෛද්‍යවරයා සහ ඔහුගේ බිරිඳ අල්කයිඩා හිතවාදී සන්නද්ධ කල්ලියක් විසින් පැහැරගනු ලැබුවේ 2016 වසරේදීයි.
වෛද්‍යවරයාගේ බිරිඳ පසුව නිදහස් කෙරුණා.
නිදහස් කෙරුණු වෛද්‍ය කෙනත් එලියට් යහපත් සෞඛ්‍ය තත්වයෙන් පසුවන බවද විදේශ කටයුතු අමාත්‍යංශය නිවේදනය කලා.
