සිඩ්නි නුවරදී තරුණියකට ලිංගික අතවර සිදුකිරීමේ චෝදනා මත අත්අඩංගුවට ගනු ලැබූ ශ්‍රී ලාංකික ක්‍රිකට් ක්‍රීඩක ධනුෂ්ක ගුණතිලකට එරෙහිව ගොණුකල චෝදනා 04 න් 03 ක් ඉවත දමා තිබෙනවා.
කෙසේවෙතත් එක් චෝදනාවක් තවදුරටත් පවත්වාගෙන යන බවයි රජයේ නීතීඥයන් නඩුව අද විභාගයට ගත් අවස්ථාවේදී දන්වා සිටියේ.
පන්දුවාර 20 ලෝක කුසලානය පැවති සමයේ පසුගිය වසරේ නොවැම්බර් 02 වනදා මෙම අතවරය සිදුව තිබූ අතර ඒ අනුව ධනුෂ්ක ගුණතිලක නිවු සවුත් වේල්ස් ප්‍රාන්ත පොලිස් නිළධාරීන් විසින් අත්අඩංගුවට ගනු ලැබුවේ නොවැම්බර් 06 වනදායි.
32 හැවිරිදි ධනුෂ්ක ගුණතිලක සහ 29 හැවිරිදි අදාළ තරුණිය සමාජ මාධ්‍ය ජාලයක් හරහා හඳුනාගෙන තිබූ බව සඳහන්.
නඩුව වැඩිදුර විභාගය ලබන ජූලි 13 වනදා දක්වා කල් දමනු ලැබුවා.
ධනුෂ්ක ගුණතිලකට එරෙහිව මේ වනවිට පූර්ණ ක්‍රිකට් තහනමක්ද ශ්‍රී ලංකා ක්‍රිකට් ආයතනය විසින් පණවනු ලැබ තිබෙනවා.
