මූල්‍ය වංචාවලින් ගණුදෙනුකරුවන් ආරක්ෂා කිරීම සඳහා ඔස්ට්‍රේලියාවේ ප්‍රධාන බැංකු 04 ම ඒකාබද්ධව පොදු වැඩපිළිවෙලක් ප්‍රකාශයට පත් කර තිබෙනවා.
ඒ අනුව කිසියම් මූල්‍ය වංචාවක් පිළිබඳ දැනගත් වහා අදාළ වංචාකරුට මුදල් ගෙවීම සියලු බැංකු හරහා අවහිර කිරිමට නියමිතයි.
වංචාවට හසුවූ පුද්ගලයාට තමා විසින් වංචාකරුට ගෙවන ලද මුදල ආපසු ලබාගැනීමටද මේ යටතේ අවස්ථාව හිමිවන බවයි ප්‍රධාන බැංකු පෙන්වා දෙන්නේ.
2021-22 මූල්‍ය වර්ෂයේදී ප්‍රධාන බැංකු 04 ම ගණුදෙනුකරුවන් 31,100 දෙනෙකු විසින් විවිධ මූල්‍ය වංචාවලට ලක්වී අහිමිකරගෙන ඇති මුදල ඩොලර් මිලියන 558 කට ආසන්නයි.
කෙසේවෙතත් එයින් බැංකු විසින් ආපසු ගෙවා තිබුණේ ඩොලර් මිලියන 21 මුදලක් පමණයි.
ඒ අනුව එක් ගණුදෙනුකරුවකු විසින් අහිමි කරගෙන තිබු මුදලේ සාමාන්‍යය ඩොලර් 20,000 කට ආසන්නයි.
