සිඩ්නි බටහිර පිහිටා ඇති හින්දු ආගමික මධ්‍යස්ථානයකට ප්‍රහාරයක් එල්ල වී තිබෙනවා.
කිසියම් පිරිසක් එහි තාප්පයේ ඉන්දීය අගමැති නරේන්ද්‍ර මෝදි ත්‍රස්තවාදියෙකු ලෙස හැගවෙන වාක්‍යයක් ස්ප්‍රේ කර ගොස් ඇති බව සඳහන්.
සිද්ධිය සම්බන්ධයෙන් චෝදනා එල්ල වන්නේ සික් ආගමික කොට්ඨාශයට වන නමුත් ඔවුන් මෙම ප්‍රහාරය දැඩිව හෙළා දැක තිබෙනවා.
ඔස්ට්‍රේලියාවේ මෙල්බන් සහ සිඩ්නි ඇතුලු නගර රැසක ඉන්දීය හින්දු සහ සික් ජාතිකයන් අතර ගැටුම් උග්‍රවී ඇත්තේ පංජාබ් ප්‍රාන්තය ඉන්දියාවෙන් වෙන්විය යුතු බවට පැවැත්වූ ජනමත විචාරණයක් හේතුවෙනුයි.
එමෙන්ම ලබන 24 වනදා අගමැති මෝදි ක්වඩ් රාජ්‍ය නායක සමුලුවට සහභාගී වීම සඳහා සිඩ්නි නගරයට පැමිණීම හේතුවෙන්ද දෙපිරිස අතර ගැටුම් ඉහළ ගොස් තිබෙනවා.
