බර වාහන සඳහා මාර්ග ගාස්තු ඉහළ දැමීමේ යෝජනාව සම්බන්ධයෙන් ට්‍රක් රියදුරන් විරෝධය පළකරනවා.
දැනට සියයට 27.2 ක් ලෙස පවතින එම ගාස්තුව 2025 වසරේ සිට සියයට 32.4 දක්වා ඉහළ දැමීමටයි මෙවර අයවැයෙන් යෝජනා වී ඇත්තේ.
මේ හරහා තමන්ට මාර්ග ගාස්තු ලෙස සතියකට ඩොලර් 1,000 ක පමණ මුදලක් ගෙවීමට සිදුවන බවටයි ට්‍රක් රියදුරන් චෝදනා කර සිටින්නේ.
වාහන කිහිපයක් ඇති ට්‍රක් සමාගම්වලට සතියකට ඩීසල් ලීටර් 70,000 ක පමණ ඉන්ධන ප්‍රමාණයක් වැය කිරීමට සිදුවන බැවින් සතියකට ඩොලර් ලක්ෂයක පමණ පිරිවැයක් දැරීමට සිදුවන බවද ඔවුන් පෙන්වා දෙනවා.
මෙවර අයවැයෙන් තමන්ට කිසිදු සහනයක් ලැබී නොමැති බවටයි ට්‍රක් රියදුරන් චෝදනා කරන්නේ.
