කොවිඩ් වසංගතය හමුවේ ලොක්ඩවුන් පැණවීමත් සමග දැඩි දුෂ්කරතාවයකට ලක්වූ මෙල්බන් නිවාස සංකීර්ණ 09 ක පදිංචිකරුවන්ට ඩොලර් මිලියන 05 ක වන්දි මුදලක් ගෙවීමට වික්ටෝරියා ප්‍රාන්ත රජය එකග වී තිබෙනවා.
මෙල්බන් උතුර සහ ෆ්ලෙමින්ග්ටන් ප්‍රදේශවල ගොඩනැගිලි 09 ක පදිංචිකරුවන් 3000 කට පමණ මෙම වන්දිය හිමිවීමට නියමිතයි.
2020 වසරේ ජූලි මාසයේ සිට පණවන ලද ලොක්ඩවුන් කිරීම් හමුවේ තමන්ට ජීවනෝපායන් අහිමිවී දැඩි දුෂ්කරතාවයකට පත්වූ බවයි ඔවුන් විසින් පණවන ලද නඩුවක දැක්වුණේ.
අදාළ ලොක්ඩවුන් කිරීම් නියෝග කඩකර තමන් බලහත්කාරයෙන් රඳවාගෙන සිටි බවටද මෙම වික්ටෝරියා ප්‍රාන්තවාසීන් චෝදනා කර තිබුණා.
එය සමථයකට පත්කර ගැනීම සඳහා මෙම වන්දි මුදල ලබාදීමට වික්ටෝරියා ප්‍රාන්ත රජය අද එකග වී තිබෙනවා.
