පෙර පාසල් වියෙහි සිටින සෑම දරුවෙකුම නොමිලේ ලබාදෙන නව පෙර පාසල් වැඩසටහන සඳහා ලියා පදිංචි කරන ලෙස වික්ටෝරියා ප්‍රාන්ත රජය දෙමව්පියන්ගෙන් ඉල්ලා සිටිනවා.
පෙර පාසල් ළමුන් 140,000 කට නොමිලේ පෙර පාසල් අධ්‍යාපනය ලබා දීම සඳහා වික්ටෝරියා ප්‍රාන්ත රජය වැය කිරීමට යෝජිත මුදල ඩොලර් මිලියන 270 ක්.
එමගින් එක් දරුවෙකු සඳහා වසරකට ඩොලර් 2,500 ක උපරිමයක් දක්වා එක් පවුලකට ඉතිරි කර දෙන බව වික්ටෝරිය ප්‍රාන්ත රජය පෙන්වා දෙනවා.
මෙමගින් 04 හැවිරිදි දරුවන්ට සතියකට පැය 15 ක් සහ තුන් හැවිරිදි දරුවන්ට සතියකට පැය 5 සිට 15 දක්වා පෙර පාසල් අධ්‍යාපනය ලබා ගත හැකියි.
වසර 2032 වනවිට පෙර පාසල් අධ්‍යාපනය නගා සිටුවීම සඳහා වික්ටෝරියා ප්‍රාන්තය වෙන් කර ඇති ඩොලර් බිලියන 09 ක ආයෝජන වැඩපිළිවෙල සඳහා ඉදිරි වසර 10 වෙනුවෙන් අමතර ගුරුවරුන් 5,000 ක් අවශ්‍ය වන බවටයි ඇස්තමේන්තු ගත කර ඇත්තේ.
