ආර්ථික ගැටලු සහ කෘත්‍රීම බුද්ධිය තාක්ෂණය හේතුවෙන් ඉදිරි වසර 05 තුළදී ලොව පුරා රැකියා මිලියන 14 ක් අහිමිවනු ඇති බවට අනතුරු ඇගවෙනවා.
2027 වසර වනවිට නව රැකියා මිලියන 69 ක් උත්පාදනය වනු ඇති නමුත් රැකියා මිලියන 83 කින් පමණ සේවකයන් ඉවත් කෙරෙනු ඇති බව සඳහන්.
ලොව පුරා සමාගම් 800 කින් පමණ ලබාගත් තොරතුරු ආශ්‍රිතවයි ලෝක ආර්ථික සංසදය මෙම පුරෝකථනය සිදුකර ඇත්තේ.
මෙලෙස අහිමිවීමට නියමිත රැකියා මිලියන 14, වත්මන් ලෝක ශ්‍රම බලකායෙන් සියයට 02 කට සමාන බවයි පැවසෙන්නේ.
කෘත්‍රීම බුද්ධිය හමුවේ තොරතුරු තාක්ෂණ ක්ෂේත්‍රයේ රැකියා බිහිවීම හා සමානව රැකියා අහිමිවීමද සිදුවිය හැකි බවටත් මෙමගින් පුරෝකථනය කර තිබෙනවා.
