ඔස්ට්‍රේලියානු පවුල් මිලියන 05 කට සහ ව්‍යාපාරික ස්ථාන මිලියනයකට පමණ අනිද්දා අයවැයෙන් ඩොලර් 500 ක විදුලි බිල් ගාස්තු සහනයක් හිමිවීමට නියමිතව තිබෙනවා.
ඊට අමතරව ගෑස් ගාස්තු සඳහාද කිසියම් සහනයක් පිරිනැමීමට උත්සාහ කරන බවයි ෆෙඩරල් භාණ්ඩාගාරික ඇමති ජිම් චාමර්ස් සඳහන් කලේ.
විශ්‍රාමිකයන් – කුඩා පරිමාණ ව්‍යාපාර සහ රජයේ විවිධ ආධාර ලබන්නන් මෙම ගාස්තු සහන සඳහා සුදුසුකම් ලබනු ඇති.
ෆෙඩරල් රජය සහ ප්‍රාන්ත රජයන් විසින් මේ සඳහා වැය කිරීමට නියමිත මුදල ඩොලර් බිලියන 03 ක්.
අගහරුවාදා අයවැයෙන් ජීවන වියදම පාලනයට සහන පැකේජයක් ප්‍රකාශයට පත් කරන බවයි භාණ්ඩාගාරික අමාත්‍යවරයා මීට පෙර නිවේදනය කර තිබුණේ.
