පැවති ස්කොට් මොරිසන් රජය විසින් 2021-22 මූල්‍ය වර්ෂය සඳහා රජයේ සේවා වෙනුවෙන් බාහිර පාර්ශව වෙත ඩොලර් බිලියන 21 ක මුදලක් ගෙවා ඇති බව අනාවරණය වනවා.
ඔස්ට්‍රේලියානු පොදු සේවා බලකාය විසින් සිදුකර ඇති විගණනයකදී අනාවරණය වී ඇත්තේ බාහිර සේවකයන් – කොන්ත්‍රාත්කරුවන් සහ උපදේශකයන් වෙනුවෙන් මෙම මුදල් ගෙවා ඇති බවයි.
බාහිර සේවකයන් 54,000 ක් පමණ මෙම කාලය තුළදී ෆෙඩරල් රජය විසින් තාවකාලික පදනම යටතේ සේවයට අනුයුක්ත කරගෙන ඇති බවද සඳහන්.
මේ අනුව අදාළ කාලසීමාව තුළදී රාජ්‍ය සේවා සඳහා ගෙවන ලද මුදලින් සියයට 25 ක් පමණ ගෙවා ඇත්තේ බාහිර පාර්ශව සඳහා බවයි පැවසෙන්නේ.
මේ අතර ලිබරල් සන්ධානය පවසන්නේ කොවිඩ් සමයේදී මහජනතාවට කඩිනම් සේවා සැපයිම අරමුණු කරගනිමින් මෙලෙස බාහිර කොන්ත්‍රාත්කරුවන්ගේ සහය ගැනීමට සිදුවූ බවයි.
