03 වන චාර්ල්ස් රජුගේ රාජාභිෂේක මංගල්‍යය අද මහා බ්‍රිතාන්‍යයේ ලන්ඩන් නුවරදී පැවැත්වෙනවා.
ඔස්ට්‍රේලියා අගමැති ඇන්තනී ඇල්බනීස් ඇතුලු රාජ්‍ය නායකයන් – විශේෂ ප්‍රභූන් ඇතුලු 2,000 කට ආසන්න පිරිසක් ඊට සහභාගීවීමට නියමිතයි.
තෝරාගනු ලැබූ ඔස්ට්‍රේලියානු පුරවැසියන් පිරිසක්ද චාර්ල්ස් රජුගේ රාජාභිෂේක මංගල්‍යයට සහභාගීවනු ඇති.
පසුගිය දිනවලදී අගමැති ඇන්තනී ඇල්බනීස්, චාර්ල්ස් රජු මෙන්ම ඔටුන්න හිමි විලියම් කුමරුන් සමගද සාකච්ඡා පවත්වනු ලැබුවා.
පහසු අවස්ථාවකදී ඔස්ට්‍රේලියාවේ සංචාර සඳහා පැමිණෙන ලෙසයි එහිදී ඉල්ලීමක් කර ඇත්තේ.
මේ අතර ඔස්ට්‍රේලියා – මහා බ්‍රිතාන්‍ය නිදහස් වෙළඳ ගිවිසුම ලබන 31 වනදා සිට බලාත්මක වීමට නියමිතයි.
ඒ හරහා ඔස්ට්‍රේලියාවෙන් බ්‍රිතාන්‍යයට අපනයනය කෙරෙන භාණ්ඩ වර්ග අතුරින් සියයට 99 ක් පමණ බදු රහිතව යැවීමට අවස්ථාව උදාවනවා.
දෙරටෙහි පුරවැසියන්ට අදාළ වන වීසා කොන්දේසි ලිහිල්වීමද ඊට අයත්.
