කොවිඩ් වසංගතයේ උච්චතම අවස්ථාවේදී රැපිඩ් ඇන්ටිජන් කට්ටල මිළදී ගැනීමේදී බටහිර ඔස්ට්‍රේලියා ප්‍රාන්ත රජය කටයුතු කර ඇති ආකාරය සම්බන්ධයෙන් චෝදනා එල්ල වී තිබෙනවා.
කිසිදු සැළසුමකින් තොරව රැපිඩ් කට්ටල මිලියන 110 ක් මිළයට ගෙන ඇති බවත් ඒ සඳහා ඩොලර් මිලියන 580 ක මුදලක් වැය කර ඇති බවත් විගණකාධිපති වාර්තාවේ සඳහන්.
සෞඛ්‍ය සේවකයන් සඳහා කොවිඩ් පරීක්ෂා වෙනුවෙන් පළමුවෙන් තක්සේරු කර තිබූ මුදල ඩොලර් මලියන 03 ක් වු නමුත් අවසානයේ ඒ සඳහා ඩොලර් මිලියන 440 ක් වැය කර ඇති බවටයි අනාවරණ වී ඇත්තේ.
මෙය අලුතින් රෝහලක් ඉදි කිරිම හා සමාන පිරිවැයක් බවත් විගණකාධිපති වාර්තාවෙන් චෝදනා එල්ල කර තිබෙනවා.
කෙසේවෙතත් බටහිර ඔස්ට්‍රේලියා ප්‍රාන්ත රජය විසින් මෙම චෝදනා සඳහා ප්‍රතිචාර දක්වා තිබෙනවා.
ඔවුන් අවධාරණය කර ඇත්තේ සියලු මිළදී ගැනීම් නිසි ක්‍රමවේදයට අනුකූලව සිදුවූ බවයි.
