නාසි සංකේත ප්‍රසිද්ධියෛ් ප්‍රදර්ශනය තහනම් කලද ඒවා අන්තර්ජාලයෙන් ඉවත් කිරීම අපහසු වනු ඇති බවට ෆෙඩරල් පාර්ලිමේන්තු කමිටුවක් හමුවේ අදහස් පළවී තිබෙනවා.
ඔස්ට්‍රේලියානු ෆෙඩරල් පොලිසිය සහ ස්වදේශ කටයුතු දෙපාර්තමේන්තුව විසිනුයි මේ බව ප්‍රකාශ කර ඇත්තේ.
දැනට යෝජනා වී ඇති නීති රෙගුලාසි සංශෝධනය අනුව සිතාමතා නාසි සංකේතයක් ප්‍රදර්ශනය කරන අයෙකුට ඩොලර් 27,500 ක දඩයක් සහ මාස 12 ක උපරිම සිර දඩුවමක් නියම කල හැකියි.
කෙසේවෙතත් අන්තර්ජාලය වැනි පුලුල් පරාසයක විහිදී පවතින වේදිකාවක නාසි සළකුණු ප්‍රදර්ශනය වළක්වාලීම අතිශය අසීරු කරුණක් බවයි ඔස්ට්‍රේලියානු ෆෙඩරල් පොලිසිය සහ ස්වදේශ කටයුතු දෙපාර්තමේන්තුව අවධාරණය කර සිටින්නේ.
ඔස්ට්‍රේලියාවේ ප්‍රාන්ත ගණනාවක්ද මේ වනවිට නාසි සංකේත ප්‍රදර්ශනය අත්හිටුවමින් විවිධ රෙගුලාසි පණවා තිබෙනවා.
පළමුවෙන් වික්ටෝරියා ප්‍රාන්තය එම පියවර ගත් අතර අනතුරුව නිවු සවුත් වේල්ස් – ක්වීන්ස්ලන්ඩ් – ACT – ටස්මේනියා සහ බටහිර ඔස්ට්‍රේලියාවද එවැනි දැඩි නීති පණවනු ලැබුවා.
කෙසේවෙතත් මීට දින කිහිපයකට පෙර වික්ටෝරියා පාර්ලිමේන්තුව ඉදිරිපිටදීත් වර්ගවාදී කණ්ඩායමක් විසින් නාසි සංකේත ප්‍රදර්ශනය කරනු දක්නට ලැබුණා.
