රාජාභිෂේකයට පෙර චාර්ල්ස් රජු හමුවූ පළමු රාජ්‍ය නායකයන් පිරිස අතරට අගමැති ඇන්තනී ඇල්බනීස්ද අයත්වී තිබෙනවා.
ඊයේ පස්වරුවේ මහා බ්‍රිතාන්‍යයට පැමිණි අගමැතිවරයා සහ චාර්ල්ස් රජු අතර නිල හමුවක් පැවති බවයි බකිංහැම් මාළිගය නිවේදනය කලේ.
පහසු අවස්ථාවකදී ඔස්ට්‍රේලියාවට පැමිණෙන ලෙස අගමැතිවරයා විසින් මෙහිදී චාර්ල්ස් රජුට සහ කැමිලා රැජිණට ආරාධනා කර තිබෙනවා.
ලබන සෙනසුරාදා පැවැත්වෙන රාජාභිෂේක මංගල්‍යයේදී රජුට පක්ෂපාතීත්වය දැක්වීමේ දිවුරුම්දීමට තමන්ද සහභාගීවන බව අගමැති ඇල්බනීස් නිල වශයෙන් දන්වා තිබෙනවා.
කෙසේවෙතත් ඔස්ට්‍රේලියානු ජනතාව විසින් තෝරා පත්කර ගනු ලබන රාජ්‍ය නායකයෙකු ඔස්ට්‍රේලියාවට සිටිය යුතු බවයි මාධ්‍ය ආයතනයක් සමග පැවති සම්මුඛ සාකච්ඡාවකදී ඔහු අවධාරණය කලේ.
අගමැති ඇන්තනී ඇල්බනීස් සමග ආරාධනා ලත් තවත් ඔස්ට්‍රේලියානුවන් පිරිසක්ද ලබන සෙනසුරාදා පැවැත්වෙන රාජාභිෂේක මංගල්‍යයට සහභාගීවීමට නියමිතයි.
