සමස්ත ඔස්ට්‍රේලියාව පුරා නිවාස කුළී වසර 02 කට එකම අගයක පවත්වාගෙන යා යුතු බවට වන යෝජනාවක් ලබන මාසයේදී ෆෙඩරල් පාර්ලිමේන්තුවට ඉදිරිපත් කිරීමට ග්‍රීන්ස් පක්ෂය සැළසුම් කර තිබෙනවා.
එමෙන්ම පොළී අනුපාතිකයන් වැඩි කිරීමට ෆෙඩරල් සංචිත බැංකුව ගන්නා තීරණ වළක්වාලීමට ෆෙඩරල් රජයට බලතල දිය යුතු බවටයි එමගින් වැඩිදුරටත් යෝජනා කර ඇත්තේ.
නිවාස කුළී වැඩි කිරීම සඳහා දැනට උපරිම අගයක් පණවා ඇති එකම ප්‍රාන්තය වන්නේ පමණයි.
ග්‍රීන්ස් පක්ෂ යෝජනාව අනුව එය අනෙකුත් ප්‍රාන්ත තුළද ක්‍රියාත්මක කල යුතු අතර වසර 02 කට පසුව නිවාස කුළී වැඩිකල හැකි උපරිම ප්‍රතිශතයද සියයට 02 ක උපරිමයකට යටත් කර තිබෙනවා.
මේ අතර ලේබර් පක්ෂ රජයේ ඩොලර් බිලියන 10 ක් වටිනා නිවාස අරමුදල් පිළිබඳ පාර්ලිමේන්තුවේදී පරාජය කරන බවටද ග්‍රීන්ස් පක්ෂය අනතුරු අගවා සිටිනවා.
