ඔස්ට්‍රේලියානුවන්ට ඖෂධ මිළදී ගැනීමේදී දැවැන්ත සහනයක් ලබන මස අයවැයට

ඔස්ට්‍රේලියානුවන්ට ඖෂධ මිළදී ගැනීමේදී දැවැන්ත සහනයක් ලබාදීමට අදාළ යෝජනාවක් ලබන මාසයේ ඉදිරිපත් කෙරෙන ෆෙඩරල් අයවැයට ඇතුළත් කිරීමට ලේබර් පක්ෂ රජය තීරණය කර තිබෙනවා.

ඒ අනුව එක් ඖෂධ තුණ්ඩුවක මිළට දැනට ලබාගත හැකි මාසයක ඖෂධ ප්‍රමාණය වෙනුවට මාස 02 ක ඖෂධ මිළදී ගැනීමට හැකියාව උදාවනු ඇති.

ලබන සැප්තැම්බර් මාසයේ සිට බලාත්මක කෙරෙන මෙම සංශෝධනය හරහා ඔස්ට්‍රේලියානුවන් මිලියන 06 කට පමණ සහන සැළසෙනු ඇති බවටයි අනාවැකි පළවන්නේ.

ඉදිරි වසර 04 තුළදී ඔස්ට්‍රේලියානුවන්ට ඩොලර් බිලියන 1.6 ක සහනයක් ලබාදීම මෙම සංශෝධනයේ මූලික අපේක්ෂාවයි.

වකුගඩු ආබාධ – දියවැඩියාව – හෘද රෝග වැනි රෝගී තත්වයන් සඳහා අවශ්‍ය වන ඖෂධ වර්ග 320 ක් පමණ මිළදී ගැනීමේදී මෙම වරප්‍රසාදය ලැබීමට නියමිතයි.

කෙසේවෙතත් මෙම තීරණය සම්බන්ධයෙන් ඔසුසැල් හිමියන් රැසක් අප්‍රසාදය පළකරනවා.

ඖෂධ වර්ග රැසක දැඩි හිගයක් පවතින වාතාවරණයකදී මෙම යෝජනාව හරහා එය තවත් ඉහළ යනු ඇති බවයි ඔවුන් පෙන්වා දෙන්නේ.

හොබාර්ට්හි පාසල් අසල සුදු වෑන් භීතිකාවක්

ටස්මේනියා ප්‍රාන්තයේ හොබාර්ට්හි ප්‍රාථමික පාසල් සිසුන්ට සුදු පැහැති වෑන් රථයකින් පැමිණ පැණි රස කෑම වර්ග ලබා දෙන පුද්ගලයෙකු සම්බන්ධයෙන් ආරක්ෂක අංශ විමර්ශනයක් ආරම්භ කර තිබෙනවා.

Read More »

නවසීලන්තයේ කාය වර්ධන තරගාවලියකින් ශ්‍රී ලාංකික තරුණයෙකුට රන් පදක්කම් 3ක්

නවසීලන්තයේ පැවති කාය වර්ධන තරගාවලියකින් එරට සිටින ශ්‍රී ලාංකික තරුණයෙක් වන සුලාර ධනුක මාලිංග පදක්කම් රැසක් දිනාගෙන තිබෙනවා.

Read More »

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »