ඔස්ට්‍රේලියාව තුළ මැදි ආදායම් ලබන්නන් සහ තරුණ ප්‍රජාව අතුරින් සැළකිය යුතු පිරිසක් තමන්ගේම නිවසක් හිමිකර ගැනීමේ සිහිනය අත්හැර දමා ඇති බව නවතම සමික්ෂණයකදී හෙළිවී තිබෙනවා.
පුද්ගලයන් 1,609 ක් යොදාගනිමින් සිදුකල අධ්‍යයනයකදී 2/3 ක් පමණ පවසා ඇත්තේ පවතින ආර්ථික වාතාවරණය හමුවේ තමන්ට කෙදිනක හෝ නිවසක් හිමිකර ගැනීමට හැකියාවක් නොමැති බවයි.
මෙම සමීක්ෂණයට එක්වූවන්ගෙන් අඩු ආදායම් ලබන්නන් අතුරින් සියයට 63 ක් සහ මැදි ආදායම් ලබන්නන් අතුරින් සියයට 54 ක් පමණ එම ස්ථාවරයෙහි පසුවන බව සඳහන්.
ඔස්ට්‍රේලියාවේ නිවාස වෙළඳපොළ වරින් වර වෙනස් වීමත් අමුද්‍රව්‍ය මිළ ගණන් ඉහළයාම් හමුවේ නව නිවසක් ඉදිකිරීම අසීරුවීමත් ඊට හේතුවී තිබෙනවා.
2019 වසරේ සිට මෙරට නිවාස මිළ ගණන් අඛණ්ඩව ඉහළ ගිය අතර පසුගිය වසරේදී ඉහළම අගයන් වාර්තා කිරීමෙන් පසු මේ වනවිට නැවත තරමක් පහළ ගොස් තිබෙනවා.
