ඔස්ට්‍රේලියාවේ ප්‍රධාන අගනගරවල ස්ත්‍රී පුරුෂ භාවය සහ වයස් කාණ්ඩ සම්බන්ධ නවතම තොරතුරු සංඛ්‍යාලේඛන කාර්යාංශය විසින් ප්‍රකාශයට පත්කර තිබෙනවා.
ඊට අනුව පිරිමි ප්‍රතිශතය වැඩි අගයක් ගන්නේ Northern Territory හි අගනුවර වන ඩාර්වින් නගරයේ පමණක් වන අතර අනෙක් සෑම ප්‍රාන්තයකම අගනුවර වාසය කරන කාන්තා ප්‍රතිශතය ඉහළ අගයක් ගනු ලබනවා.
සමස්ත ඔස්ට්‍රේලියාවම සැළකීමේදී කාන්තාවන් 100 කට සිටින පිරිමින්ගේ ප්‍රතිශතය සටහන් වන්නේ 98.2 ක් ලෙසයි.
වයස් සීමා සැළකීමේදී අඩුම මධ්‍යයන වයස සහිත නගරය බවටද ඩාර්වින් නගරය පත්ව සිටින්නේ අවුරුදු 34.5 ක් ලෙස වාර්තා කරමින්.
වැඩිම මධ්‍යයන වයස සහිත නගරය බවට දකුණු ඔස්ට්‍රේලියාවේ ඇඩිලේඩ් නුවර පත්ව තිබෙනවා.
වයස අවුරුදු 20 ත් 44 ත් අතර වයස් කාණ්ඩයේ ඔස්ටේ‍රලියානුවන්ගෙන් සියයට 37 ක්ම ප්‍රාන්ත අගනුවර වාසය කරන්නන් වන අතර වයස අවුරුදු 55 ට වැඩි වයස් කාණ්ඩයේ එය සියයට 26 ක් වනවා.
