පර්ත් නගරයේ කසළ එක්රැස් කරන සේවකයන් හෙට සේවයෙන් ඉවත්ව වර්ජන ක්‍රියාමාර්ගයක නිරත වනවා.
නාගරික කවුන්සිල 09 ක් ආවරණය වන පරිදි මෙම වැඩ වර්ජනය ක්‍රියාත්මක කිරීමටයි පර්ත් කසළ එක්රැස් කරන සේවකයන් සූදානම් වන්නේ.
අතිකාල ගෙවීම අත්හිටුවීම සහ වැටුප් වැඩිවීම ප්‍රමාණවත් නොවීම යන කරුණු සැළකිල්ලට ගෙනයි ඔවුන් මෙම වෘත්තීය ක්‍රියාමාර්ගය සැළසුම් කර ඇත්තේ.
අදාළ සමාගම සමග සාකච්ඡා කර එකගතාවයකට එළැඹීමට නොහැකිවීමෙන් මෙම වර්ජනය සංවිධාන කර තිබෙනවා.
සිඩ්නි නගරයේ කසළ එක් රැස්කරන සේවකයන්ද පසුගිය සතියේදී වැඩ වර්ජනයක නිරත වූයේ අතිකාල ගෙවීම අත්හිටුවීම සහ වැටුප් වැඩිවීම ප්‍රමාණවත් නොවීමට විරෝධය පළකරමිනුයි.
