Scam ඝනයට අයත් විවිධ වංචාවන්ට හසුවීමෙන් පසුගිය වසරේදී ඔස්ට්‍රේලියානුවන් විසින් අහිමි කරගත් මුදල ඩොලර් බිලියන 3.1 ක් බවට තහවුරු කර තිබෙනවා.
එය 2021 වසරට වඩා සියයට 80 ක ඉහළයාමක් බවයි පාරිභෝගික කොමිසම නිකුත් කර ඇති සංඛ්‍යාලේඛණවල දැක්වෙන්නේ.
ආයෝජන සමබන්ධ වංචා හමුවේ ඩොලර් බිලියන 1.5 ක මුදලක් ද – දුරස්ථ ගණුදෙනු වංචා හමුවේ ඩොලර් මිලියන 229 ක්ද – ගෙවීම් සමබන්ධ වංචා හමුවේ ඩොලර් මිලියන 224 ක මුදලක්ද ඔස්ට්‍රේලියානුවන් විසින් අහිමි කරගෙන ඇති බව සඳහන්.
මෙරට වංචා සම්බන්ධයෙන් අවධානය යොමු කර ඇති ආයතනයට අනුව පසුගිය වසරේදී ලැබී ඇති මුලු පැමිණිලි සංඛ්‍යාව 239,237 ක්.
කෙසේවෙතත් එය 2021 වසරේදි ලැබී තිබූ පැමිණිලි සංඛ්‍යාව හා සැසඳීමේදී සියයට 16.5 ක අඩුවක් බව සඳහන්.
වංචාවන්ට හසුවූ පුද්ගලයන් විසින් අහිමි කරගෙන ඇති මුදලෙහි සාමාන්‍යය සටහන් වන්නේ ඩොලර් 20,000 ක් ලෙසයි.
