වසර 05 කට පෙර Coles වෙතින් ක්‍රෙඩිට් කාඩ් අයදුම්කල විශාල පිරිසකගේ පුද්ගලික දත්ත පැහැරගැනීමකට ලක්වී තිබෙනවා.
ලැටිටියුඩ් ෆයිනෑන්ෂල් ආයතනයට එල්ල වූ සයිබර් ප්‍රහාරයේදී මෙම දත්ත අවභාවිත වී ඇති බවටයි අනාවරණය වන්නේ.
2018 වසර දක්වා Coles සුපිරි වෙළඳසැල් ජාලය විසින් ක්‍රෙඩිට් කාඩ් ඇතුලු මුල්‍ය සේවා පවත්වාගෙන ගිය අතර ලැටිටියුඩ් ෆයිනෑන්ෂල් ආයතනය ඔවුන්ගේ සේවා සපයන්නෙකු ලෙස කටයුතු කරනු ලැබුවා.
කොපමණ Coles පාරිභෝගිකයන් පිරිසකට මෙමගින් බලපෑම් එල්ලවී ඇතිදැයි මෙතෙක් හෙළිකරගෙන නැහැ.
ලැටිටියුඩ් ෆයිනෑන්ෂල් ආයතනයට එල්ලවූ සයිබර් ප්‍රහාරයේදී දත්ත පැහැරගැනීමට ලක්වූ පාරිභෝගිකයන් ගණන මිලියන 14 කට ආසන්නයි.
Coles ආයතනය නිවේදනය කරන්නේ බලපෑමට ලක්වූ සියලු ගණුදෙනුකරුවන් වෙත ලැටිටියුඩ් ෆයිනෑන්ෂල් ආයතනය විසින් දැනුම් දෙනු ඇති බවයි.
