පසුගිය පෙබරවාරි මාසයේදී ශිෂ්‍ය වීසා ලාභීන් 142,580 දෙනෙකු ඔස්ට්‍රේලියාවට පැමිණ තිබෙනවා.
එය පෙර වසරේ පෙබරවාරි මාසය හා සැසඳීමේදී 93,270 ක ඉහළයාමක් බවයි සංඛ්‍යාලේඛණ කාර්යාංශය නිකුත් කර ඇති දත්ත වාර්තාවල දැක්වෙන්නේ.
කෙසේවෙතත් 2019 වසරේ පෙබරවාරි මාසය හා සළකා බැලීමේදී ශිෂ්‍ය වීසා ලාභීන්ගේ පැමිණිම තවමත් පවතින්නේ සියයට 22.5 ක පමණ අඩුවක් ලෙසයි.
පෙබරවාරි මාසයේදී ඔස්ට්‍රේලියාවට පැමිණ ඇති මුලු පිරිස 13 ලක්ෂ 75 දහස් 520 ක් වන අතර රටින් පිටව ගිය සංඛ්‍යාව 10 ලක්ෂ 68 දහස් 410 ක්.
වැඩිම පිරිසක් පැමිණි රටවල් වන්නේ නවසීලන්තය – මහා බ්‍රිතාන්‍යය සහ අමෙරිකා එක්සත් ජනපදයයි.
