මෙවර සිංහල අලුත් අවුරුද්දේ ප්‍රධාන නැකැත් චාරිත්‍ර අදට යෙදී තිබෙනවා.
මෙල්බන් – සිඩ්නි සහ කැන්බරා නගර සඳහා අලුයම 04.10 ට පුණ්‍ය කාලය ආරම්භ වු අතර එය පස්වරු 03.45 ටයි අවසන්වීමට නියමිතව ඇත්තේ.
අලුයම 05.40 ට අලුත් අවුරුද්ද උදාවුණා.
ලිප ගිනි මෙලවීම සහ ආහාර පිසීමේ නැකත යෙදී ඇත්තේ දකුණු දිශාව බලා පෙරවරු 06.27 ටයි.
විචිත්‍ර වස්ත්‍රාභරණයෙන් සැරසී කිරි මිශ්‍ර කිරිබතක්ද තල හා විළඳ මිශ්‍ර කැවිලි වර්ගයක් පිළියෙල කල යුතු බවයි ජ්‍යෙතිශයෙහි දැක්වෙන්නේ.
වැඩ ඇල්ලීම – ආහාර අනුභවය සහ ගණුදෙනු කිරීමේ නැකත මෙල්බන් – සිඩ්නි සහ කැන්බරා නගර සඳහා පෙරවරු 07.19 ට උදාවන අතර විචිත්‍ර වස්ත්‍රාභරණයෙන් සැරසී එම චාරිත්‍රය ඉටු කිරීම යෝග්‍යයි.
අද දිනයට යෙදී ඇති සියලුම නැකැත් චාරිත්‍ර නිවැරදිම වේලාවට Ausලංකා TV හරහා සජීවීව විකාශය කිරීමට නියමිතයි.
