ඉහළ යන ජීවන වියදමට විසඳුමක් ලෙස ඔස්ට්‍රේලියාවේ ප්‍රධාන සුපිරි වෙළඳසැල් ජාල 02 ම අද සිට පාරිභෝගික සහන වැඩපිළිවෙල ක්‍රියාවට නංවා තිබෙනවා.
අද සිට ඉදිරි සති 12 සඳහා භාණ්ඩ වර්ග රැසක මිළ අඩුවෙන් හෝ නොවෙනස්ව පවත්වාගෙන යාමටයි Coles වෙළඳසැල් ජාලය කටයුතු යොදා ඇත්තේ.
මස් වර්ග – බිස්කට් – උදාසන ආහාර ඇතුලු වර්ග රැසක් ඒ අතර වනවා.
මේ අතර තෝරාගත් භාණ්ඩ වර්ග රැසක් සඳහා ලබාදෙන ප්‍රසාද දීමනා සංඛ්‍යාව 10 ගුණයකින් ඉහළ දැමීමට Woolworths සුපිරි වෙළඳසැල් ජාලය කටයුතු යොදා තිබෙනවා.
මැයි 09 වනදා දක්වා එය බලාත්මක වනු ඇති.
සුපිරි වෙළඳසැල් සඳහා ඔස්ට්‍රේලියානුවන්ගේ සතියක වියදම පසුගිය වසරේ පෙබරවාරි මාසයේ සිට සන්සන්දනය කිරීමේදී මෙම වසරේදී ඩොලර් 37 කින් එනම් ඩොලර් 185 ක් දක්වා ඉහළගොස් ඇති බවයි පසුගියදා නිකුත් වූ වාර්තාවක දැක්වුණේ.
එමෙන්ම ඔස්ට්‍රේලියානුවන් අතුරින් 3/4 ක් පමණ මුහුදු ආහාර – මාංශ වර්ග සහ ඇල්කොහොල් මිලදි ගැනීම අඩු කර ඇති බවද එහිදී අනාවරණය වුණා.
