ඊයේ රාත්රියේ දිනුම් අදින ලද Oz Lotto (ඔස් ලොටෝ) ටිකට් ලොතරැයියේ පළමු ත්යාගය වන ඩොලර් මිලියන 30 ක සමස්ත මුදල දිනා ගැනීමට බටහිර ඔස්ට්රේලියා ප්රාන්ත වාසියෙකු සමත්වී තිබෙනවා.
කෙසේවෙතත් එම ජයග්රාහකයා කවුරුන්ද යන්න මේ දක්වා නිල වශයෙන් අනාවරණය වී නැහැ.
මෙවර ජයග්රාහී අංක වූයේ 19 – 47 – 15 – 46 – 12 – 9 සහ 21 යි.
අතිරේක අංක ලෙස 16 – 34 සහ 30 ප්රකාශයට පත් කෙරුණා.
මීට මාසයකට පෙරද ඩොලර් මිලියන 40 ක සමස්ත ලොතරැයි ත්යාග මුදලක් ජයගැනීමට බටහිර ඔස්ට්රේලියා ප්රාන්තවාසියෙකු සමත්ව තිබීම විශේෂත්වයක්.
නව රැකියා අවස්ථා 200ක් පමණ නිර්මාණය කරමින් Kmart සුපරි වෙළඳසල් සමූහය සිඩ්නි බටහිර ප්රදේශයේ තවත් වෙළඳසැලක් විවෘත කර තිබෙනවා.
ඔස්ට්රේලියාවේ විරැකියා අනුපාතය අගෝස්තු මාසය සඳහා ද සියයට 4.2 ප්රතිශතයක් ලෙස ස්ථාවරව පවතින බව සංඛ්යාලේඛන කාර්යාංශය පවසනවා.
දකුණු ඕස්ට්රේලියාවේ කූබර් පෙඩි (Coober Pedy) දිස්ත්රික් කවුන්සිලය සඳහා නව ප්රධාන විධායක නිලධාරියෙකු බඳවා ගැනීම වෙනුවෙන් එම රැකියාව සඳහා ලබාදෙන වැටුප ඩොලර් 274,000 දක්වා ඉහළ නංවා තිබෙනවා.
මාස ගණනාවක් පුරා ඔස්ට්රේලියාවේ දැනට අඩු මිලට පවතින ඉන්ධන තවදුරටත් ඒ ආකාරයෙන් පැවතීම අවිනිශ්චිත බව වෙළඳපොල විශ්ලේෂකයන් පවසනවා.
ඔස්ට්රේලියාවේ ක්රිකට් පුහුණුකරුවෙක් ලෙස කටයුතු කළ ශ්රී ලංකාවේ හිටපු ටෙස්ට් ක්රිකට් ක්රීඩක දුලිප් සමරවීරට වසර 20ක තහනමක් පැනවීමට ඔස්ට්රේලියා ක්රිකට් ආයතනය තීරණය කර තිබෙනවා.
Don’t miss our future updates! Get Subscribed Today!
