පැහැරගනු ලැබූ තම පාරිභෝගිකයන්ගේ සංවේදී දත්ත වෙනුවෙන් කප්පම් මුදලක් ඉල්ලා ඇතත් එය ගෙවීමෙන් වැළකී සිටින බව ලැටිටියුඩ් ෆයිනෑන්ෂල් සමාගම පවසනවා.
එලෙස මුදලක් ගෙවුවහොත් එය අපරාධකරුවන්ට අනුබල දීමක් වනු ඇති බවයි සමාගමේ ප්‍රධාන විධායක නිලධාරී බොබ් බෙලන් පෙන්වා දෙන්නේ.
කොපමණ කප්පම් මුදලක් ඉල්ලා ඇතිද යන්න ලැටිටියුඩ් ෆයිනෑන්ෂල් සමාගම විසින් මෙතෙක් ප්‍රකාශයට පත්කර නැහැ.
සිය පාරිභෝගිකයන් මිලියන 14 කට පමණ මෙම අනවසර දත්ත පැහැරගැනීමෙන් බලපෑම් එල්ලවී ඇති බවද එයින් මිලියන 08 කට ආසන්න පිරිසකගේ රියදුරු බලපත්‍ර අංක පැහැරගෙන ඇති බවද ඔවුන් සති කිහිපයකට පෙර නිවේදනය කරනු ලැබුවා.
මේ අතර වසර 10 කට ආසන්න කාලයක් බළධාරීන් මගහරිමින් සිටි අන්තර්ජාල වංචාකරුවෙකු මෙල්බන් හිදී අත්අඩංගුවට ගෙන තිබෙනවා.
දේපළ අලෙවිකරන මුවාවෙන් සැකකරු මෙම වංචාව සිදුකර ඇති බවයි පැවසෙන්නේ.
චෝදනා 08 කට අදාළව මෙම තැනැත්තාට නඩු පැවරීමට නියමිත අතර දැනට රක්ෂිත බන්ධනාගාර ගත කර සිටින සැකකරු ලබන 20 වනදා අධිකරණය හමුවට ඉදිරිපත් කිරීමට නියමිතයි.
