ලබන වසරේ සිට හෝ පාස්කු ඉරිදා දිනය පොදු නිවාඩු දිනයක් බවට පත් කරන්නැයි දකුණු ඔස්ට්‍රේලියා සිල්ලර වෙළඳ සංගමය ප්‍රාන්ත රජයෙන් ඉල්ලීමක් කරනවා.
මහ සිකුරාදා – ඊට පසු සෙනසුරාදා දිනය මෙන්ම පාස්කු ඉරිදාවට පසු සඳුදා දිනය දකුණු ඔස්ට්‍රේලියාවේ ප්‍රසිද්ධ නිවාඩු දින වන නමුත් පාස්කු ඉරිදා දිනය තවමත් එලෙස ප්‍රකාශයට පත් කර නැහැ.
ඔස්ට්‍රේලියාවේ ප්‍රාන්ත අතුරින් පාස්කු ඉරිදා දිනය පොදු නිවාඩු ලෙස නම් කර නොමැති ප්‍රාන්ත වන්නේ දකුණු ඔස්ට්‍රේලියාව සහ ටස්මේනියාවයි.
පාස්කු ඉරිදාව නිවාඩු දිනයක් ලෙස නම් කර නොමැති බැවින් දකුණු ඔස්ට්‍රේලියාවේ කම්කරුවන් ඇතුලු සේවකයන්ට එම දිනවලදී රාජකාරි කිරීමේදී දැඩි අසාධාරණයක් සිදුවන බවයි දකුණු ඔස්ට්‍රේලියා සිල්ලර වෙළඳ සංගමය පෙන්වා දෙන්නේ.
මෙම ගැටලුව වහා විසඳාලීම දකුණු ඔස්ට්‍රේලියා ප්‍රාන්ත රජයේ වගකීම විය යුතු බවත් දකුණු ඔස්ට්‍රේලියා සිල්ලර වෙළඳ සංගමය අවධාරණය කරනවා.
