සිඩ්නි නගරයේ විශාලතම ශ්‍රී ලාංකික සංස්කෘතික උත්සවය වන සිඩ්නි බක්මහ උළෙල අද පැවැත්වෙනවා.
පෙරවරු 10 සිට රාත්‍රී 10 දක්වා Roselea community centre හිදී එය පැවැත්වෙනු ඇති.
නිවු සවුත් වේල්ස් හි පැරණිම ලාංකික සංවිධානය වන වසර 33 ක ඉතිහාසයක් පවතින නිවු සවුත් වේල්ස් සිංහල සංස්කෘතික හමුව විසිනුයි එය සංවිධාන කරනු ලබන්නේ.
සුපුරුදු ජන ක්‍රීඩා මෙන්ම සංස්කෘතික ඉසව් රැසකින්ද මෙවරත් සිඩ්නි බක්මහා උළෙල සමන්විත වනවා.
සිංහල සංස්කෘතික හමුව යටතේ පාලනය වන නිවු සවුත් වේල්ස් සිංහල භාෂා පාසල් 07 හිම සිසු සිසුවියන් මීට සහභාගීවීමට නියමිතයි.
දවස පුරා ශ්‍රී ලාංකික ආහාර ඇතුළත් “කැවිලි පොළ” වෙත පැමිණ ඒවායෙහි රස බැලීමටද ඔස්ට්‍රේලියාවේ වාසය කරන ලාංකිකයන්ට අවස්ථාව පවතිනවා.
2023 සිඩ්නි බක්මහ උළෙලට මෙවර ශ්‍රී ලංකාවෙන් සමන් ලෙනින් සහ නිලක්ෂි හෙළපිටිය යන කලා ශිල්පීන් පැමිණ උත්සවය වර්ණවත් කිරීමටද නියමිතයි.
සිඩ්නි බක්මහ උළෙල 2023 සඳහා Aus ලංකා TV සහ Aus ලංකා Radio විසින් මාධ්‍ය අනුග්‍රහය සපයනු ලබනවා.
