ප්‍රචණ්ඩ සිදුවීම්වලට සම්බන්ධ බාල වයස්කරුවන්ට පණවා ඇති දඩුවම් දැඩි කිරීමට ක්වීන්ස්ලන්ඩ් ප්‍රාන්ත රජය පියවර ගෙන තිබෙනවා.
ඒ අනුව ඇප දීමේ ක්‍රියාවලියේදී ඔහු හෝ ඇයගේ පෙර වැරදි පිළිබඳවද ගැඹුරින් සළකා බැලීමට නියමිතයි.
රථ වාහන සොරකම් සම්බන්ධයෙන් වැරදිකරුවන් වන පුද්ගලයන්ට දැනට බලාත්මත වසර 07 ක සිර දඩුවම් කාලය මේ අනුව වසර 10 දක්වා ඉහළ නැංවනු ඇති.
රාත්‍රී කාලයක සිදුකරන වරදක් නම් හෝ අවි ආයුධ භාවිත කර ඇති නම් උපරිම සිර දඩුවම් කාලය වසර 14 දක්වා ඉහළ දමා තිබෙනවා.
සමාජ මාධ්‍ය ඔස්සේ මෙවැනි වරදවල් සඳහා අනුබල දෙන පුද්ගලයන්ටද දඩුවම් ඉහළ දමා තිබීම විශේෂත්වයක්.
තරුණ වරදකරුවන් පුනුරුත්ථාපනය සඳහා නව මධ්‍යස්ථාන 02 ක් ද ඉදි කිරිමට නියමිත බවයි ක්වීන්ස්ලන්ඩ් ප්‍රාන්ත අගමැතිනිය කියාසිටියේ.
