ස්වදේශික ජනතා නියෝජනය පාර්ලිමේන්තුවට ගෙන ඒමේ යෝජනාවට නිල වශයෙන් විරුද්ධවීමට ෆෙඩරල් විපක්ෂය තීරණය කර තිබෙනවා.
කෙසේවෙතත් පසුපෙළ මන්ත්‍රීවරුන්ට ස්වාධීන තීරණයක් ගැනීමට අවස්ථාව පවතින බවයි විපක්ෂ නායක පීටර් ඩට්න් කැන්බරා හිදී නිවේදනය කලේ.
පාර්ලිමේන්තුවට ඉදිරිපත්ව ඇති අදාළ යෝජනාවේදී කටයුතු කරන ආකාරය සම්බන්ධයෙන් තීරණය කිරීමට ලිබරල් පක්ෂයේ අභ්‍යන්තර සාකච්ඡාවක් අද පැවැත්වුණා.
ලේබර් පක්ෂ රජය විසින් ඉදිරිපත් කර ඇති යෝජනාව මගින් ස්වදේශික ජනතා අයිතිවාසිකම් නිසි පරිදි නොලැබෙන බවයි ලිබරල් පක්ෂයේ ස්ථාවරය වන්නේ.
තවත් මාස කිහිපයකින් ජනමත විචාරණයට යොමු කරන යෝජනාවේ අඩංගු වාක්‍ය ඛණ්ඩය අගමැති ඇන්තනී ඇල්බනීස් විසින් පසුගියදා ප්‍රසිද්ධියට පත් කලා.
එය වෙනස් කර ගැනීමට ලේබර් පක්ෂ රජය සමග සාකච්ඡා කිරීමට බලාපොරොත්තු වන බවයි විපක්ෂ නායක පීටර් ඩට්න් වැඩිදුරටත් සඳහන් කලේ.
ඔස්ටේ්‍රලියානු ඉතිහාසයේ මේ දක්වා ජනමත විචාරණ 44 ක් පවත්වා ඇති නමුත් ඉන් ජයගෙන ඇත්තේ 08 ක් පමණයි.
