තමාට එරෙහිව ගොණු කර ඇති චෝදනා 34 සඳහාම තමන් නිවැරදිකරු බවට අමෙරිකාවේ හිටපු ජනාධිපති ඩොනල්ඩ් ට්‍රම්ප් නිව්යෝක් අධිකරණයක් ඉදිරියේ ප්‍රකාශ කර තිබෙනවා.
අමෙරිකානු ඉතිහාසයේ හිටපු ජනාධිපතිවරයෙකුට එරෙහිව අපරාධමය චෝදනා ගොණු කෙරුණු පළමු අවස්ථාව ලෙසයි මෙය සැළකෙන්නේ.
සිය නීතීඥයන් සමග අධිකරණයට පැමිණි ඩොනල්ඩ් ට්‍රම්ප් හිටපු ජනාධිපතිවරයා අත්අඩංගුවට ගැනීමෙන් පසු ඔහු ඉදිරියේ චෝදනා ප්‍රකාශයට පත් කෙරුණා.
පුද්ගලික රහසිගත සම්බන්ධතාවයක් පැවැත්වූ නිල් චිත්‍රපට රංගන ශිල්පිනියකට ඒවා වසන් කිරීම සඳහා මුදල් ලබාදීමයි ඩොනල්ඩ් ට්‍රම්ප්ට එරෙහි ප්‍රධාන චෝදනාව වන්නේ.
චෝදනා පිළි නොගැනීම හමුවේ හිටපු ජනාධිපතිවරයාට එරෙහිව නඩු විභාගයක් ආරම්භ කිරීමට නියමිතයි.
