නිවු සවුත් වේල්ස් ප්‍රාන්තයේ උසස් පොදු පාසල්වල ජංගම දුරකථන භාවිතය තහනම් කිරීම 04 වන වාරයේ සිට ක්‍රියාත්මක කරන බව නව අගමැති ක්‍රිස් මින්ස් පවසනවා.
මැතිවරණ සමයේදී ලබාදුන් පොරොන්දුවක් අනුව සිසුන්ගේ අධ්‍යාපන කටයුතුවලට බාධාවක් සිදු නොවනු පිණිස මෙම තීරණය ක්‍රියාවට නංවන බවයි ඔහු සඳහන් කලේ.
දැනටමත් නිවු සවුත් වේල්ස් හි ප්‍රාථමික පාසල්වල මෙම තහනම බලාත්මක වනවා.
පංති කාමර තුළදී සිය දරුවන් ජංගම දුරකථන භාවිත කිරීම වළක්වන්නැයි දෙමව්පියන්ගෙන් ලැබුණු ඉල්ලීම් සළකා බලා මෙම පියවර ගත් බවද අගමැතිවරයා ප්‍රකාශ කලා.
කෙසේවෙතත් යෝජනාවක් ලෙස ඉදිරිපත්ව තිබූ උපකරණ සවි කිරීමෙන් වැළකී සිටින බවයි ඔහු සඳහන් කලේ.
දුරකථනය තබන ස්ථාන ඇතුලු අනෙක් පියවර සම්බන්ධයෙන් තීරණ ගැනීම එක් එක් පාසල මට්ටමින් සිදුකල යුතු බවද නිවු සවුත් වේල්ස් අගමැතිවරයා කියාසිටියා.
දකුණු ඔස්ට්‍රේලියා – බටහිර ඔස්ට්‍රේලියා – වික්ටෝරියා සහ Northern Territory යන ප්‍රාන්තද දැනටමත් උසස් පොදු පාසල් තුළ ජංගම දුරකථන භාවිතය අත්හිටුවා තිබෙනවා.
