බ්‍රිස්බන් ජාත්‍යන්තර ගුවන් තොටුපළේ ගමන් මලු පද්ධතියේ තාක්ෂණික දෝෂයක් හේතුවෙන් check-in කටයුතු වල දැඩි ප්‍රමාදයක් හටගෙන තිබෙනවා.
ස්වයංක්‍රීය ආකාරයට නොව manual ආකාරයට ගමන්මලු මෙහෙයවීමට සිදුවීම ඊට හේතුවයි.
එබැවින් අපේක්ෂා කල කාලයට වඩා වැඩි කාලයක් ගතවිය හැකි බවටයි බ්‍රිස්බන් ගුවන් තොටුපළ අනතුරු අගවන්නේ.
ගුවන් ගමන් ප්‍රමාදයන් වළක්වා ගැනීමට හැකි සෑම උත්සාහයක්ම දරන බවද ඔවුන් අවධාරණය කරනවා.
කෙසේවෙතත් ගුවන් තොටුපළට පැමිණීමට පෙර සිය ගුවන් ගමන සම්බන්ධයෙන් පරීක්ෂා කර බලාගන්නා ලෙසටයි ඉල්ලීමක් කෙරෙන්නේ.
එමෙන්ම හැකිතාක් වේලාසනින් ගුවන් තොටුපළට පැමිණෙන ලෙසටද බ්‍රිස්බන් ගුවන් තොටුපළ බළධාරීන් දන්වා සිටිනවා.
