ගතවූ වසර 05 තුළදී ක්වීන්ස්ලන්ඩ් ප්‍රාන්තයේ e-දුම්වැටි භාවිතය සියයට 40 කින් ඉහළගොස් ඇති බව අනාවරණය වී තිබෙනවා.
එහි ප්‍රාන්තවාසීන් අතුරින් සියයට 20 ක් පමණ අවම වශයෙන් එක් අවස්ථාවකදී හෝ ඒවා භාවිත කර ඇති බවයි තහවුරු කරගෙන ඇත්තේ.
ක්වීන්ස්ලන්ඩ් ජනගහණයෙන් 1/5 ක් පමණ දැනටමත් e-දුම්වැටි භාවිත කරන බවත් සියයට 02 කට ආසන්න පිරිසක් දෛනිකව ඒවා භාවිත කරන බවත් මෙහිදී හෙළිකරගෙන තිබෙනවා.
වයස අවුරුදු 18 ත් 29 ත් අතර ජනගහණයෙන් සියයට 15 කට ආසන්න පිරිසක් ඒ අනුව e-දුම්වැටි සඳහා ඇබ්බැහි වී ඇති බව සඳහන්.
ක්වීන්ස්ලන්ඩ් හි e-දුම්වැටි භාවිතය සම්බන්ධයෙන් නියාමන රෙගුලාසි මාලාවක් සකස් කිරීම සඳහා ප්‍රාන්ත පාර්ලිමේන්තුව විසින් පසුගියදා කමිටුවක්ද පත්කරනු ලැබුවා.
