විෂ සහිත කුඩා සත්වයන් – කෘමීන් සහ අවධානම් සහගත බීජ තැවරී තිබීම හමුවේ, මෙරටට ආනයනය කරන ලද මෝටර් රථ 2,000 කට ආසන්න සංඛ්‍යාවක් බ්‍රිස්බන් වරායෙන් නිදහස් කර ගැනීමට නොහැකිව පවතින බවට වාර්තා වනවා.
එමෙන්ම වාහන රැගත් තවත් නෞකා 07 ක්ද පසුගිය බ්‍රහස්පතින්දා වනවිට ක්වීන්ස්ලන්ඩ් වෙරළ තීරයේ නැංගුරම්ලා තිබූ බව සඳහන්.
කෘෂිකර්ම දෙපාර්තමේන්තු වාර්තා අනුව ජෛව ආරක්ෂණ අවධානම් සහිතව ඔස්ට්‍රේලියාවට පැමිණෙන වාහන සංඛ්‍යාව සියයට 88 කින් පමණ ඉහළගොස් ඇති බවයි නවතම සංඛ්‍යාලේඛණවල සටහන් වන්නේ.
ගෝලීය සැපයුම් ප්‍රමාදයන් හමුවේ වාහන ආනයනය සම්බන්ධ ඇතැම් සමාගම් නිසි ක්‍රමවේද අනුගමනය නොකිරීම මීට ප්‍රධාන හේතුවයි.
ක්වීන්ස්ලන්ඩ් ප්‍රාන්තයේ වාහනයක ඇණවුම් කාලය දින 134 ක් බව නවතම සංඛ්‍යාලේඛණවල සඳහන්.
