ඔස්ට්‍රේලියාවට පැමිණෙන සංක්‍රමණිකයන් රැසක් අඩු ඵලදායිතා ක්ෂේත්‍රවල

පසුගිය දශකය තුළ ඔස්ට්‍රේලියාවේ සංක්‍රමණ පද්ධතියේ සිදුවූ විවිධ අඩුපාඩු හමුවේ මෙරට ඵලදායීතාවය පහළගොස් ඇති බව නවතම වාර්තාවක් අනාවරණය කරනවා.

මෙරටට පැමිණෙන සංක්‍රමණිකයන් රැසක් අඩු ඵලදායීතාවයෙන් යුත් ක්ෂේත්‍ර කරා යොමුවන බවයි මෙහිදී අනාවරණ වී ඇත්තේ.

විශේෂයෙන් ශිෂ්‍ය වීසා – working holiday වීසා සහ තාවකාලික වීසා මත පැමිණෙන බොහෝ දෙනෙකු ඒ අතර වන බව සඳහන්.

ඉහළ ඵළදායිතාවයෙන් යුත් සමාගම්වල රැකියා සඳහා යොමුවන පිරිසද කැපී පෙනෙන ලෙස අඩුවී ඇති බවයි මෙහිදී තහවුරු වී ඇත්තේ.

2011 වසරේදී ශිෂ්‍ය වීසා මත සිටි අය අතුරින් සියයට 45 ක් පහළ ඵලදායිතාවයෙන් යුත් ක්ෂේත්‍රවල රැකියාවන්හි නිරත වී ඇතත් 2020 වසරේදී එය සියයට 48 ක් දක්වා ඉහළ ගොස් තිබෙනවා.

working holiday වීසා ලාභීන් සැළකීමේදී එය 2011 වසරේ පැවති සියයට 58 සිට 2020 වසරේදී සියයට 65 දක්වා වැඩිවී ඇති බව සඳහන්.