නිවු සවුත් වේල්ස් ප්‍රාන්ත රජය සුලුතර රජයක් බව ස්ථිරවම ප්‍රකාශයට පත්කර තිබෙනවා.
අද නිකුත් වු නවතම ප්‍රථිඵල අනුව දැක්වෙන්නේ බහුතර රජයක් පිහිටුවීමට අවශ්‍ය ආසන 47 න් ආසන 02 ක අඩුවක් සහිතව නව ලේබර් පක්ෂ රජයට කටයුතු කිරීමට සිදුවනු ඇති බවයි.
ලිබරල් සන්ධාන රජයට හිමිවී ඇති ආසන සංඛ්‍යාව 35 ක්.
මේ අනුව ඉදිරි තීන්දු තීරණ ක්‍රියාත්මක කිරීමේදී ලේබර් පක්ෂ රජයට තරමක් අසීරු විය හැකි බවටයි අනාවැකි පළවන්නේ.
කෙසේවෙතත් ස්වාධීන මන්ත්‍රීවරුන් 09 දෙනෙකු සහ ග්‍රීන්ස් පක්ෂ මන්ත්‍රීවරුන් 03 දෙනෙකු අවශ්‍ය අවස්ථාවලදී නව අගමැති ක්‍රිස් මින්ස් ට සහය දක්වන බව මේ වනවිටත් ප්‍රකාශයට පත් කර තිබෙනවා.
