ෆෙඩරල් රජයේ කොවිඩ් සහන ප්‍රතිකාර ක්‍රමය අද සිට තවත් පුලුල් කර තිබෙනවා.
ඒ අනුව වයස අවුරුදු 60 ට වැඩි, අවධානම අඩු පුද්ගලයන්ට පවා අද සිට ෆයිසර් නිෂ්පාදනයක් වන පැක්ස්ලොවිඩ් ප්‍රතිකාරය ලබාගත හැකි වනවා.
මෙතෙක් එය අනුමත කර තිබුණේ ඉහළ අවධානමක් සහිත තැනැත්තන්ට පමණයි.
මේ අතර කොවිඩ් වෛරසය වැළඳීම හමුවේ රැකියා කිරීමට නොහැකිවන ඉදිරිපෙළ සේවකයන් දහස් සංඛ්‍යාත පිරිසකට අද සිට ෆෙඩරල් රජයේ කොවිඩ් සහන දීමනාව නොලැබෙන බව ෆෙඩරල් සෞඛ්‍ය අමාත්‍ය මාර්ක් බට්ලර් පවසනවා.
සෞඛ්‍ය සහ ආබාධ රෝගීන්ගේ කටයුතුවල නිරත සේවකයන්ටද මෙය බලපැවැත්වෙන අතර aged care සේවකයන්ට පමණක් එම දීමනාව මින් ඉදිරියේදී ලැබෙනු ඇති.
කොවිඩ් වැළඳීම හමුවේ රැකියා වෙත වාර්තා කිරීමට නොහැකි වන ඉදිරිපෙළ සේවකයන්ට මේ දක්වා මෙම ඩොලර් 750 ක සතිපතා දීමනාව ගෙවනු ලැබුවා.
අද සිට එම ක්‍රමය නතර කෙරෙන අතර ඒ වෙනුවට හඳුන්වා දෙනු ලබන නව ක්‍රමයට ඇතුළත් වන්නේ aged care සේවකයන් පමණයි.
