නිවාඩු දිනවල වැඩ ගැනීම ගැන ඔස්ට්‍රේලියා අධිකරණයකින් සුවිශේෂී තීන්දුවක්

පොදු නිවාඩු දිනවලදී සේවයේ නිරතවීම සම්බන්ධයෙන් ඔස්ට්‍රේලියාව තුළ රැකියාවල නිරතවන්නන්ට බලපැවැත්වෙන පරිදි සුවිශේෂී අධිකරණ තීන්දුවක් ප්‍රකාශයට පත් කර තිබෙනවා.

ෆෙඩරල් අධිකරණයක් විසින් ලබාදී ඇති එම නඩු තීන්දුව අනුව නිවාඩු දිනවල සේවා මුර සකස් කිරීමේදී කිසියම් සේවා යෝජකයෙකු විසින් එම දිනයේදී හෝ දිනවලදි සේවය කල හැකිදැයි පළමුවෙන් සේවකයාගේ කැමැත්ත විමසා සිටිය යුතු වනවා.

එසේ නොමැතිව සේවා යෝජකයාගේ තනි මතයට සේවා මුර සඳහා අනුයුක්ත කල නොහැකි බවයි අධිකරණ තීන්දුවේ දැක්වෙන්නේ.

පාස්කු නිවාඩු සති අන්තයට දින කිහිපයක් තිබියදී ප්‍රකාශයට පත් කෙරුණු මෙම තීන්දුව සේවකයන්ගේ මෙන්ම වෘත්තීය සමිතිවලද ජයග්‍රහණයක් බවයි විචාරකයන් පෙන්වා දෙන්නේ.

දැනට සේවකයන් විසින් එළැඹ ඇති ගිවිසුම් හෝ කොන්ත්‍රාත්වල කුමක් අඩංගුවී තිබුණද මෙම නියමයන් බලාත්මක විය යුතු බවයි ෆෙඩරල් අධිකරණ නියෝගයේ සඳහන් වන්නේ.

නත්තල් සහ බොක්සින් දිනවලදි තමන්ගේ කැමැත්ත නොවිමසා සේවයේ යෙදවීම සම්බන්ධයෙන් සේවකයන් පිරිසක් විසින් ඔස්ට්‍රේලියානු සේවායෝජකයෙකුට එරෙහිව පවරන ලද නඩුවක තීන්දුව ප්‍රකාශයට පත්කරමින් අධිකරණය මේ බව නිවේදනය කලා.

සෞඛ්‍ය – හදිසි සේවා – අලෙවි – ආගන්තුක සත්කාර වැනි කුමන ක්ෂේත්‍රයක නිරත වුවද මෙම නියමය බලපැවැත්වෙන අතර එය කඩකලහොත් ඉහළ දඩයකට යටත්වීමට සිදුවනවා.

පර්ත් අවට මුහුදු තීරයට යන අයට අනතුරු ඇඟවීමක්

පර්ත් ආසන්න මුහුදු තීරයේ ඇති ඇල්ගී විශේෂයක් හේතුවෙන් පර්ත් හි සංචාරය කරන්නන්ට මුහුදේ දිය නෑම පිළිබඳ අනතුරු ඇඟවීමක් නිකුත් කර තිබෙනවා.

Read More »

ශ්‍රී ලංකාවේ හිටපු හමුදා සාමාජිකයන් Anzac Day පෙළපාලිවලට එක්වෙයි

මෙවර ඇන්සක් ඩේ සැමරුම් පෙළපාලි සඳහා ශ්‍රී ලංකාවේ හිටපු ත්‍රිවිධ හමුදා සාමාජිකයින් රැසක් ද ඔස්ට්‍රේලියාවේ මෙල්බන් නගරයට ඒකරාශී වී තිබෙනවා.

Read More »

ග්‍රීසියේ ඇතන්ස් නගරය අඟහරුට සමාන වෙයි

සහරා කාන්තාරයෙන් පැමිණෙන දූවිලි වලාකුළු සමඟ ග්‍රීසියේ ඇතන්ස් නගරයට ඉහළින් අඟහරු ග්‍රහ ලෝකයට සමාන තැඹිලි පැහැති දුමාරයක් මතුවී ඇතැයි වාර්තා වනවා.

Read More »

උමා ඔයේ සේවිකාවන් දෙදෙනෙකුට වෙන් වූ ජනන යන්ත්‍ර

උමා ඔය බහුකාර්ය සංවර්ධන ව්‍යාපෘතිය ඉදිකිරීමේදී ලැබුණු සහාය අගයමින් ජල විදුලි සංකීර්ණයේ ජනන යන්ත්‍ර දෙකක් කාන්තා සේවිකාවන් දෙදෙනෙකුගේ නමින් නම් කර තිබෙනවා.

Read More »

ඔස්ට්‍රේලියාවේ Post Study Visa ලබා ගැනීමට හැකි වයස් සීමාව අඩු කෙරේ

ඔස්ට්‍රේලියාවේ පශ්චාත් අධ්‍යයන වීසා සඳහා බලපාන වයස අවුරුදු 35 දක්වා සීමා කිරීමට ස්වදේශ කටයුතු දෙපාර්තමේන්තුව තීරණය කර තිබෙනවා.

Read More »