වසර 03 කට පසු වැඩිම පිරිසක් ගුවන් ගමන්වල නිරත වන පාස්කු සමය බවට මෙවර පත්වනු ඇති බවට සිඩ්නි ගුවන් තොටුපළ බළධාරීන් අනාවැකි පළකරනවා.
අප්‍රේල් 03 වනදා සිට 23 වනදා දක්වා කාලය තුළ අභ්‍යන්තර ගුවන් මගීන් ලක්ෂ 15 ක් පමණද – විදෙස් ගුවන් මගීන් 850,000 ක් පමණ ගුවන් ගමන්වල නිරත වනු ඇති බවටයි පුරෝකථනය කර ඇත්තේ.
මෙය කොවිඩ් සමය එළැඹීමට පෙර 2019 වසරේ පැවති තත්වයෙන් සියයට 90 ක් නැවත යථා තත්වයට පත්වීමක් වනු ඇති.
තදබදයන් සහ ගුවන් ප්‍රමාදයන් වළක්වා ගැනීමට හැකිතාක් වේලාසනින් ගුවන් තොටුපළ වෙත පැමිණෙන්නැයිද ඉල්ලීමක් කෙරෙනවා.
ගුවන් ගාස්තු ඉහළ අගයක පැවතියද ඔස්ට්‍රේලියානුවන් පාස්කු නිවාඩුව ගත කිරීම සඳහා සංචාරවල නිරතවීම ඉහළ අගයක් ගනු ඇති බවටයි වාර්තා පළවන්නේ.
