අවශ්‍ය කරන දත්ත ලබාදෙන්නැයි ෆෙඩරල් රජය විසින් ජනප්‍රිය dating app සමාගම් කිහිපයකට දැනුම් දී තිබෙනවා.
ලිංගික සහ ගෘහස්ථ ප්‍රචණ්ඩත්වය සම්බන්ධයෙන් පැවති ජාතික වටමේස සාකච්ඡාවකදී ගත් තීරණයක් අනුවයි මෙම දැනුම්දී සිදුකර ඇත්තේ.
ඔස්ට්‍රේලියාව පුරා පුද්ගලයන් ලක්ෂ 30 ක් පමණ කුමන හෝ dating app එකක් භාවිත කරන බවත් 3/4 ක් පමණ විවිධ හිංසනවලට ලක්ව ඇති බවත් මෙහිදී අනාවරණය වුණා.
සහකරුවෙකු හඳුනාගැනීම සඳහා ඔස්ට්‍රේලියානුවන්ගේ ජනප්‍රියම ක්‍රමවේදය dating app බවත් මෙහිදී තහවුරු වී තිබෙනවා.
තමන් කිසියම් හිංසනයකට ලක්වූ බවට පරිශීලකයෙකු විසින් පැමිණිලි කිරීමෙන් පසු එක් එක් ඇප්ලිකේෂනය විසින් ගනු ලබන ක්‍රියාමාර්ග කවරේදැයි විමසා බැලීමටයි ෆෙඩරල් රජය විසින් මෙම තොරතුරු ඉල්ලා ඇත්තේ.
dating app සම්බන්ධ ලිංගික හිංසන අතුරින් වැඩිම පිරිසක් පැමිණිලි කර ඇත්තේ නිරුවත් ඡායාරූප ප්‍රසිද්ධ කිරීම් සම්බන්ධයෙන් බවද අනාවරණය වනවා.
