නිවු සවුත් වේල්ස් ප්‍රාන්ත මැතිවරණයෙන් ජයගෙන ඉදිරියේදී පිහිටුවනු ලබන ලේබර් පක්ෂ නව රජය විසින් ඉටු කිරීමට නියමිත ප්‍රධාන පොරොන්දු කිහිපයක් ප්‍රකාශයට පත් කර තිබෙනවා.
ඒ අනුව නව පොදු පාසල් 100 ක් ස්ථාපිත කිරීමට සැළසුම් කර ඇති අතර අනියම් පදනමින් සේවය කරන ගුරුවරුන් 10,000 කට ස්ථිර පත්වීම් ලබාදීමට පියවර ගැනෙනු ඇති.
පාසල් අධ්‍යයන කාලසීමාවේදී ජංගම දුරකථන – smartwatch ඇතුලු ඉලෙක්ට්‍රොනික උපාංග භාවිතය තහනම් කිරීමද සිදුකිරීමට නියමිතයි.
ලබන වසරේ ජනවාරි පළමුවනදා සිට වසර 02 ක කාලයක් සඳහා නිවු සවුත් වේල්ස් ප්‍රාන්තයේ මහා මාර්ගවල අය කෙරෙන ගාස්තු සතියකට ඩොලර් 60 ක උපරිමයකට යටත් කිරිමද ලේබර් පක්ෂයේ ප්‍රධාන මැතිවරණ පොරොන්දුවක්.
පෝකර් ක්‍රීඩා කිරීමේදී වියදම් සීමා පැණවීම මෙන්ම දේශපාලන පක්ෂ සඳහා සූදු ක්‍රීඩා සමාජ ශාලාවලින් ආධාර ලබාගැනීම තහණම් කරන බවටද ඔවුන් මැතිවරණ සමයේදී පොරොන්දුවක් ලබාදුන්නා.
නිවු සවුත් වේල්ස් ප්‍රාන්තයේ රෝහල්වල හෙදියන් ඇතුලු සෞඛ්‍ය සේවක හිගය විසඳීමත් නිවාස ගැටලුවට විසඳුම් කිහිපයක් ලබාදීමත් ලේබර් පක්ෂ යෝජනා අතරට අයත්.
