ස්වදේශික ජනතා නියෝජනය පාර්ලිමේන්තුවට ගෙන ඒමේ පණත අනුමත කල පළමු ප්‍රාන්තය බවට දකුණු ඔස්ට්‍රේලියා ප්‍රාන්ත රජය පත්වී තිබෙනවා.
ප්‍රාන්ත සභාවේ අද පැවති විශේෂ සැසිවාරයකදීයි එම යෝජනාව අනුමත කරනු ලැබුවේ.
මේ අනුව දකුණු ඔස්ට්‍රේලියා ප්‍රාන්ත සභාවට පත්වන ස්වදේශික ජනතා නියෝජිතයන් කවුරුන්ද යන්න ඉදිරියේදී තීරණය කිරීමට නියමිතයි.
දකුණු ඔස්ට්‍රේලියා විසින් මෙම යෝජනාව සම්මත කරනු ලැබුවේ මීට අදාළව ජනමත විචාරණයකට ෆෙඩරල් රජය සූදානම් වන අවස්ථාවේදීයි.
ඊට අදාළ නිල වාක්‍යය අගමැති ඇන්තනී ඇල්බනීස් විසින් පසුගියදා ප්‍රකාශයට පත් කරනු ලැබුවා.
මෙම වසර අවසානයට පෙර එම ජනමත විචාරණය පැවැත්වීමයි ෆෙඩරල් රජයේ සැළසුම වන්නේ.
