හෙට පැවැත්වෙන නිවු සවුත් වේල්ස් ප්‍රාන්ත මැතිවරණයේ ප්‍රථිඵලය ජාතික දේශපාලනයටද අතිශය වැදගත් වන බව විචාරකයන් පෙන්වා දෙනවා.
දැනට ලිබරල් සන්ධානය විසින් බලය රඳවාගෙන සිටින ප්‍රධානතම ප්‍රාන්තය නිවු සවුත් වේල්ස් පමණක් වීම ඊට ප්‍රධාන හේතුවයි.
කිසියම් අයුරකින් ලිබරල් සන්ධානය හෙට මැතිවරණය පරාජයට පත්වුහොත් අඛණ්ඩව ඔවුන් ලැබූ 03 වන මැතිවරණ පරාජයද මෙය වනු ඇති.
පසුගිය වසරේ මැයි මාසයේ පැවති ෆෙඩරල් මැතිවරණය සහ පසුගිය සැප්තැම්බර් මාසයේ පැවති වික්ටෝරියා ප්‍රාන්ත මැතිවරණයද ඔවුන් පරාජයට පත්වුණා.
එමෙන්ම වසරකට ආසන්න වන අගමැති ඇන්තනී ඇල්බනීස්ගේ ලේබර් පක්ෂ රජය පිළිබඳ කිසියම් තක්සේරුවක් ලබාගැනීමටද හෙට මැතිවරණ ප්‍රථිඵලය ඉවහල් වනු ඇති බවයි විචාරක මතය වන්නේ.
