ඔස්ට්‍රේලියානුවන්ගෙන් සහ විදේශිකයන්ගෙන් ඩොලර් මිලියන 1.7 කට ආසන්න වටිනාකමින් යුත් මුදල් වංචාකල සයිබර් අපරාධ මාලාවක සැකකරුවන් 04 දෙනෙකු ඔස්ට්‍රේලියානු ෆෙඩරල් පොලිසිය විසින් අත්අඩංගුවට ගෙන තිබෙනවා.
2020 වසරේ ජනවාරි මාසයේ සිට මෙම මාසය දක්වා මොවුන් විසින් සයිබර් අපරාධ 15 කට වැඩි සංඛ්‍යාවක් සිදුකර ඇති බව සඳහන්.
ව්‍යාජ හැඳුනුම්පත් භාවිත කර සකස් කරන ලද බැංකු ගිණුම් 80 ක් මගින් මොවුන් මෙම අපරාධ සිදුකර ඇති බවටයි තහවුරු කරගෙන ඇත්තේ.
සැකකරුවන් අතර බ්‍රිස්බන් පදිංචි දෙදෙනෙකු සහ මෙල්බන් හා ඇඩලේඩි පදිංචි එක් අයෙකු බැගින් සිටින බවටයි අනාවරණ වී ඇත්තේ.
මොවුන් සතුව තිබී ව්‍යාජ විදේශ ගමන් බලපත්‍ර තොගයක්ද සොයාගෙන තිබෙනවා.
චෝදනා ඔප්පුවුවහොත් මොවුන්ට වසර 60 ක උපරිමයකට යටත්වන සිර දඩුවමකට ලක්වීමට සිදුවනු ඇති.
