NSW – VIC මෙහෙයුමකදී යතුරුපැදි කල්ලි සාමාජිකයන් 27 ක් අත්අඩංගුවට

වික්ටෝරියා සහ නිවු සවුත් වේල්ස් ප්‍රාන්ත පොලිස් බළධාරීන් සිදුකල ඒකාබද්ධ වැටලීමකදී යතුරුපැදි කල්ලියක සාමාජිකයන් 27 දෙනෙකු අත්අඩංගුවට ගෙන තිබෙනවා.

ඔවුන් සතුව තිබූ මත්ද්‍රව්‍ය සහ ගිණි අවි විශාල ප්‍රමාණයක්ද පොලිසිය භාරයට ගෙන ඇති බව සඳහන්.

පසුගිය සඳුදා සිට ඊයේ දක්වා දින 04 තුළදී මෙම මෙහෙයුම සිදුකර තිබුණා.

සැකකරුවන්ට එරෙහිව වෙන් වෙන් වශයෙන් චෝදනා ගොණු කිරීමට නියමිතයි.

ඉදිරියේදී මෙවැනි තවත් ඒකාබද්ධ වැටලීම් සිදුකරන බවටයි වික්ටෝරියා ප්‍රාන්ත පොලිසිය දන්වා සිටින්නේ.